تعبت

تعبت من جور الزمان… أهلكني

على أمل تِزين، لا ما زانت

إحساسي انه كل شي مزعلني

وأشكي هموماً داخلي ما بانت

ولو كان بالهجران شي ينقذني

ستين من عمري معه كم عانت

حلف يمين انه معي ماسكني

وإنّ الأماني بعدها ما حانت

والناس ما يدرون وش صايبني

وأنا أردّد: ليتها ما كانت

العاقل اللّي حكمته تفهمني

ولا أنا خابر علومي شانت

ودّي أسافر ولا احد يعرفني

ومشاعري اغفر لها لو خانت

ودّي أجرّب يوم ما يشغلني

لا قلت: هانت، بالحقيقة هانت